Министерот за образование и наука Абдилаќим Адеми викендов во Истанбул ќе учествува на Глобален образовен самит на кој ќе говори за „Новите трендови во образованието во 21 век“ и „Миграцијата и образовните политики“.
Самитот ќе го отвори претседателот на Турција Реџеп Таип Ердоган.
„Адеми во рамки на првата тема ќе се осврне на реформите во образованието во Република Македонија, благодарение на кои нашата држава е во чекор со најразвиените земји во светот. Кога станува збор за модернизација на образованието, нема компромис. Тоа е сфера во која мора да се достигнат највисоките стандарди, ќе потенцира министерот за образование и наука“, соопштија од Министерството за образование и наука.
На вториот ден на Глобалниот образовен самит, како што информираат од МОН, Адеми ќе говори за актуелниот проблем со бегалската криза и предизвиците со кои Македонија секојдневно се соочува.
