Почна лидерската средба меѓу лидерите на ВМРО-ДПМНЕ, СДСМ, ДУИ и ДПА, Никола Груевски, Зоран Заев, Али Ахмети и Мендух Тачи.
На средбата, како гости, присутни се амбасадорот на САД, Џес Бејли, како и на Мисијата на ЕУ, Аиво Орав.
Прв на состанокот пристигна лидерот на ВМРО-ДПМНЕ и премиер, Никола Груевски, придружуван од шефот на македонската дипломатија, Никола Попоски, и од пратеникот Илија Димовски.
Претседателот на СДСМ, Зоран Заев, пристигна заедно со потпретседателката на партијата, Рената Десковска-Треневска.
Лидерите на политичките партии, пред средбата, не застанаа да направат заедничка фотографија.
Заинтересираноста за средбата е голема, не само кај домашните, туку и кај странските новинари.
