Протести поради прикривањето на убиството на Мартин Нешковски се одржуваат и во Битола. Поголема група граѓани тргнаа од фонтаната во центарот на градот и преку Широк сокак, се уаптија до МВР.
Битолчани масовно излегоа на денешениот протест, a во моментов толпата е пред зградата на Општината, од каде протестантите бараат оставка од Владата и од локалната власт.
„Бомбата“ на опозицијата за убиството на Мартин Нешковски крена на нозе преку 3.000 граѓани на Битола, мажи, жени и деца. Демонстрантите извикуваа „убијци“, а носеа и транспаренти: „Полицаецу фрли го пендракот“.
Пред општината девојчиња им делеа цвеќиња на полицајците. Протестот почна во 18 часот кога толпата почна да се собира пред Офицерскиот дом во Битола, потоа граѓаните тргнаа по Широк сокак, се до зградата на СВР Битола и се упатија кон зградата на локалната власт. Видливо е засиленото полициско обезбедување, но протестот засега поминува мирно и без проблеми.
Како што јави, пак, нашиот дописник од Прилеп, еден час пред најавениот протест против полициската бруталност во Прилеп полициските единици за брзо распоредување се распоредија во центарот на Прилеп, каде е закажан протестот.
Иницијаторите на настанот апелираа за масовност на овој мирен протест, кој наиде на силен одзив кај прилепчани и по социјалните мрежи.
