Тројца претставници на „Средношколски пленум“ се поканети на средба во МОН, само еден час откако почнаа со поставување на кампот пред зградата во која е сместено ресорното министерство, објави „Радио МОФ“.
Како што изјави Александар Милевски од „Средношколски пленум“ за „Радио МОФ“, телефонски биле повикани од кабинетот на заменик-министерот за образование и наука, Спиро Ристовски.
Среношколците велат дека со оглед на тоа што е закажана средба, можно е да повикаат на завршување на бојкотот, но најавуваат дека кампувањето ќе продолжи до исполнување на барањата.
