Во последното деноноќие биле изгаснати 21 пожар, а еден бил ставен под контрола, соопшти Центарот за управување со кризи (ЦУК).
Утрово сè уште се активни два пожара, на Галичица Општина Чашка, на планината Мукос.
Под контрола е пожарот во Општина Демир Хисар, на Плакенска планина.
Во Скопје биле изгаснати 10 пожари, во Битола, Струмица и Куманово по два, во Штип четири и во Тетово бил изгаснат еден пожар на отворено.
Центарот за управување со кризи апелира да не се пали вегетација на отворено, а доколку граѓанин види пожар, што побрзо да го пријави истиот на Единствениот повикувачки број за итни случаи 112.
