Во изминативе 24 часа во земјава од направени 2.250 тестови се регистрирани 319 нови случаи на ковид, а како резултат на болеста починале двајца. Според најновите податоци за ковид-случаите од Институтот за јавно здравје, што ги објави Министерството за здравство, ковид-пандемијата не попушта и веќе четврти ден бројот на нови случаи е над 310 дневно.
Вчера беа регистрирани 324 случаи, завчера бројката беше 328, а во вторникот таа имаше 312 нови заболени.
Од новите 319 случаи регистрирани во последниве 24 часа, најголемиот број се од Скопје – 162, а втор град на листата е Битола, со 23 нови случаи.
Од вкупниот број на позитивни (319), регистрирани се 54 реинфекциии.
Во последните 24 часа регистрирани сe 288 оздравени пациенти и две починати лица, од Скопје (69г и 71г), починати во болнички услови. Кај пријавените починати лица се регистрирани коморбидитети.
Досега во земјава се направени вкупно 1.933.038 тестирања за ковид-19.
Вкупната бројка на откриени случаи од почетокот на епидемијата изнесува 302.867, бројот на оздравени пациенти е 291.719, на починати е 9.164, а бројот на активни случаи изнесува 1.984.
