Македонското знаме со 13.190 гласа го освои првото место на изборот за најдобро знаме во светот, кој го организираше канадскиот весник „Прованс“.
Во тринеделниот натпревар, на кој се гласаше на интернет, учествуваат 64 знамиња. Македонското знаме влезе во четвртфиналето, кога почна масовното гласање за поддршка на македонскиот национален симбол. Македонското знаме успеа да ги победи знамињата на Швајцарија, Канада и на Велика Британија, која се најде во финалето, но освои само 858 гласа.
Македонското знаеме е е создадено во 1995 година, по спогодбата со Грција, со која се бараше замена за симболот на шеснаесеткракото сонце од Вергина.
