fbpx

Градоначалниците Саша Богдановиќ и Илија Јованоски позитивни на ковид-19

-

Градоначалникот на Општина Центар, Саша Богдановиќ денеска на својот Фејсбук профил соопшти дека е позитивен на корона вирус, поради што останува во домашна изолација, следејќи ги инструкциите на лекарите.

„И покрај заштита за целото време на пандемијата на ковид-19, резултатот од тестот кој го направив утринава, откако почувствував покачена телесна температура е позитивен“ напиша Богдановиќ.

Иста вест на социјалните мрежи соопшти и градоначалникот на Општина Прилеп, Илија Јованоски, кој пак, во текот на вчерашниот ден направил тест откако се посомневал на првичните симптоми на корона вирусот. И тој останува во домашна изолација, со лесни симптоми.

„Како што се покажа, вирусот ковид-19 е непредвидлив и лесно пренослив, особено новиот „британски“ сој, кој за жал го има во нашиот град. Затоа, апелирам на максимално и строго почитување на мерките за заштита“ напиша Јованоски.

Во моментов во Прилеп има 551 активни случаи со ковид-19, а денеска регистрирани се 79 нови случаи, 19 оздравени лица и еден починат пациент.

И двајцата градоначалници потенцираат дека вирусот е опасен и непредвидлив, а до граѓаните апелираат да носат заштитни маски, да одржуваат физичка дистанца и да вршат честа дезинфекција на рацете и работните површини, бидејќи на тој начин ќе се спречи ширењето на корона вирусот.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Објавена е програмата на четвртиот Скопски поетски фестивал

Поети од Норвешка, Ирска, Словенија, Грција, Хрватска и Србија, како и дваесетина домашни поети ќе бидат дел од годинешното, четврто издание на Скопскиот поетски фестивал што ќе се одржи...