Кубанскиот претседател Раул Кастро побарал од САД, пред двете земји да ги нормализираат односите, да им се врати воената база Гвантанамо, да се укине половековното трговското ембарго кон Куба и со тоа да ѝ се надомести нанесената штета.
Кастро, синоќа на самитот на Заедницата на латиноамерикански и карипски држави, изјави дека Куба и САД работат на воспоставување целосни дипломатски односи, но додаде дека ако „овие проблеми не се решаваат, дипломатско-политичко зближување не би имало смисла.”
– Главниот проблем не е решен: економското, комерцијално и финансиско ембарго, што предизвика огромна штета и претставува кршење на меѓународното право, треба да се прекине – изјави Кастро.
Тој, исто така, рече дека не може да дојде до нормализација додека не се „врати илегално окупираната територија, каде се наоѓа воената база Гвантанамо и додека не се одреди правичниот надомест за нанесената штета.
