Времето во земјава денеска ќе биде сончево и топло со мала до умерена облачност. Ќе дува слаб до умерен ветер од јужен правец.
Утринските температури ќе се движат од 6 до 15 Целзиусови степени, додека дневните температури ќе бидат меѓу 22 и 31 Целзиусов степен.
Во Скопје времето сончево и топло, со температури од 13 до 30 Целзиусови степени.
Според прогнозата на УХМР, под влијание на влажен бран во четврток и петок ќе биде облачно со врнежи од дожд. Пообилни врнежи ќе има во четврток доцна попладне и во ноќта кон петок, локално и над 30 литри на метар квадратен. Ќе дува засилен северен ветер кој ќе предизвика значително опаѓање на дневните температури.
