Три големи руски банки поднесоа жалба пред Европскиот суд за правда во Луксембург против санкциите на Европска Унија, јавуваат денеска руските медиуми.
Банките Сбербанк, ВТБ и ВЕБ оценуваат дека европската одлука да бидат ставени на црна листа е илегална и ги нарушува меѓународните договори склучени во рамките на Светската трговска организација (СТО).
Санкциите на 28-те земји-членки на ЕУ против Русија се диригирани против клучните сектори на руската економија, како енергијата и финансиските институции.
На банките им е ограничен пристапот до меѓународните финансиски пазари.