Песната „Потрага“ на Андријана Коровешовска ја доби првата награда на конкурсот за млади поети што го распиша Агенцијата за млади и спорт на Република Мекедонија, во соработка со Друштвото на писатели на Македонија (ДПМ).
Од 86 пристигнати песни од млади поети на возраст од 15 до 29 години, жири-комисијата, во состав Вера Чејковска, Кочо Топузовски и Миле Јовановски, ги објави наградените песни. Втората награда ја доби песната „Јулска секвенца“ на Антоанета Ристевска и третата наградена песна е „Сведок“ на Мартин Каровски.
Директорот на Агенцијата за млади и спорт, Марјан Спасески, кој ги додели првите три награди, ваучери во вредност од 5.000, 10.000 и 15.000 денари, истакна дека песните од наградените поети и дел од песните испратени на конкурсот ќе бидат објавени во збирката пезија што до крајот на годината Агенцијата ќе ја пушти во печат.
