Времето денеска ќе биде сончево и многу топло. Попладне ќе дува северозападен ветер, кој на север и долж Повардарието ќе засилува. Претежно во североисточните делови ќе има услови за нестабилност со краткотраен пороен дожд и со грмежи. УВ-индексот ќе има вредност 9.
Минималната температура ќе се движи од 14 до 20 Целзиусови степени, а максималната од 30 до 39 степени.
Во Скопје и во околината се очекува слично време, сончево и потопло, со температура до 37 Целзиусови степени.
Од петок попладне, преку ноќта и в сабота времето ќе биде нестабилно, со пороен дожд, грмежи и повремено со засилен ветер, претежно во источните и во јужните делови од земјава. В недела во претпладневните часови врнежите ќе завршат, а денот ќе биде најсвеж во периодов, со температура која на повеќето места нема да надмине 30 Целзиусови степени.