Времето денеска во Македонија ќе биде променливо облачно и релативно топло со сончеви периоди, со појава на утринска магла по одделни котлини. Ќе има услови за локален дожд со слаб интензитет. Ќе дува слаб до умерен ветер од јужен правец.
Дневната температура ќе се движи од 13 до 21 Целзиусов степен.
Од утре, под влијание на изразено јужно воздушно струење, ќе преовладува променливо облачно време, со повремени врнежи од дожд со променлив интензитет, а на места ќе бидат и обилни, особено во вторник и в среда. Локално врнежите ќе бидат поројни и проследени со грмежи.
Ќе дува умерен, повремено засилен јужен ветер, а в среда кон крајот на денот и ноќта ќе го смени правецот во северен.
