Основниот суд во Гњилане го осуди обвинетиот Ф.Б. на три години затвор, откако тој целосно ја призна вината.
Албанецот Ф.Б. е прогласен за виновен затоа што на 17 февруари 2015 година се приклучил на меѓународната организација Исламска држава, се наведува во соопштението на судот.
Тој минал низ теоретски и практичен тренинг за употреба огнено оружје „AK-47“ и на рачни бомби, се додава во соопштението, и со тоа извршил кривично дело „организирање и учество во странски терористички организации“.
Обвинетиот од денеска се наоѓа во притвор.
