Централен регистар ќе избрише повеќе од 8.000 фирми што не поднеле годишна завршна сметка за 2014 година или не поднеле пријава за упис на адреса на електронска пошта.
Листата која е објавена на крајот на јануари, ќе претрпува дневни промени, па не се знае конечниот број на фирми на кои им се заканува бришење.
– На списокот има угостителски објекти, градежни друштва, ветеринарни амбуланти, трговци на големо и на мало, заштитни работилници, автопревозници, пекарски работилници, колонијали, печатници, салони за мебел, автосервиси, киосци, бутици, продавници за мешовита стока, увозно-извозни фирми, цвеќарници, кабелски оператори, музички уметници, таксисти, филмски продукции, фирми што се занимаваат со издавачка дејност, продавачи на возила, претежно регистрирани за производство, промет и за услуги – велат од Централен регистар.
Според законот за трговски друштва, на овие фирми им се дава период од една година да поведат стечајна постпака или да ја ликвидираат фирмата и за тоа да го известат Централниот регистар.
Доколку не одберат една од двете можности, ќе бидат избришани од регистарот на фирми.
