Најмалку 30 лица се убиени во нападите на екстремистичката група Боко харам извршени во две села на североистокот на Нигерија, јавуваат очевидци.
Како што пренесуваат странските агенции, напаѓачите на мотори и во повеќе возила дошле во селата Качифа и Јакари и убиле триесетина селани.
Еден од очевидците, припадник на локалната милиција, која ѝ помага на нигериската војска во борбата против Боко харам, навел дека екстремистите исто така и ги ограбиле селата.
Боко харам, која е основана во 2002 година, се бори за воведување муслиманско шеријатско право и исламски школи во Нигерија.
