Денеска, Собранието на Република Македонија треба да ја продолжи 85. седница, од чиј дневен ред преостанаа три точки предложени од пратениците од опозицијата, во прво читање и предлог- законот за дополнување на Законот за одбрана, по скратена постапка.
Пратениците треба да расправаат по предлог-законот за изменување и за дополнување на Законот за буџетите, предлог-законот за изменување и за дополнување на Законот за јавен долг, како и за предлог-законот за материјално обезбедување на невработени лица поради приватизација на претпријатијата со општествена и државна сопственост, сите во прво читање.
