ВМРО-ДПМНЕ доставила два предлога на денешната средба на работните групи на партиите потписнички на Договорот од Пржино, која се одржа попладнево во Клубот на пратеници со посредство на белгискиот олеснувач Питер Ванхауте.
Едниот од предлозите се однесувал на прочистување на избирачкиот список, а другиот на медиумските реформи.
Другите партии за меѓупартиски консултации имаат време до утре, до 18.30 часот, за кога е закажана нова средба на работните групи.
На прашањето како другите партии реагирале на предлогот на ВМРО-ДПМНЕ, Ванхауте само кусо одговори дека „состојбата е критична“.
Пред почетокот на работната средба, Ванхауте на новинарско прашање за коментар за вчерашниот говор на претседателот на ВМРО-ДПМНЕ, Никола Груевски, во кој беше споменато и неговото име, рече: „Ако не ти се допаѓа пораката, убиј го гласникот“.
