Под притисок да го заостри ставот кон имигрантите, конзервативците на германската канцеларка Ангела Меркел повикаа да се забрани носење бурка во јавност.
Во резолуцијата, која в понеделник ќе се усвојува на партискиот конгрес во Карлсруе, раководството на ЦДУ се спротивстави на барањето на некои членови за одредување горна граница за бројот на бегалци што можат да влезат во Германија.
Во резолуцијата, која е напишана на 18 страници, се вели дека бурката се коси со германските вредности.
Соседна Франција во 2011 година забрани носење бурка, а Германија тогаш се противеше на таквиот чекор.
Резолуцијата, исто така, предупредува дека ако ЕУ не може да ги контролира своите надворешни граници, шенгенската зона за слободно движење на луѓето нема долго да остане на сила.
