Од Движењето за реформи на ДПА, денеска на прес-конференција, побараа да запрат полициските апсења во Куманово. Според партијата, крајната цел на апсењата е да се затскријат неуспешните преговори на политичките партии, поврзани со Договорот од Пржино.
– ДУИ, како дел од Владата, заедно со МВР да објасни зошто се случуваат вакви акции во албанските средини. Секогаш кога доцнат спогодбите, како онаа од Пржино, се тежнее неуспешноста од преговорите да се покрие преку акции за приведување Албанци – изјави Беса Кадриу од Движењето за реформи на ДПА.
Според Движењето за реформи на ДПА, ДУИ повторно почнува да ги тероризира Албанците, но набргу ќе дојде крајот на оваа партија и нејзините членови ќе одговараат пред народот.
