Триесет загинати и 126 повредени е последниот биланс од денешните експлозии во Анкара, соопшти турското министерство за внатрешни работи.
Според истражителите, експлозиите се дело на бомбаш-самоубиец. Турската влада го оцени нападот како терористички акт. Премиерот Ахмет Давутоглу свикал вонреден состанок со претставници од министерствата за правда и за внатрешни работи, шефот на турската полиција, шефот на разузнавачката служба и гувернерот на Анкара, Мехмет Киличлар.
Генералниот секретар на Советот на Европа, Торбјорн Јагланд, го осуди нападот кој се случи на почетокот на мирниот протест организиран против судирите меѓу државата и курдските милитанти.
– Утринските вести од Анкара се шокантни и вознемирувачки. Тоа што се случи е суров и варварски напад на мирните демонстранти. Сакам да изразам сочувство за сите кои изгубиле пријатели и сакани во нападот. Слободата на собирање и слободата на изразување се основните столбови на демократијата – рече Јагланд.
https://www.youtube.com/watch?t=23&v=OcFVaPZ29vo
https://www.youtube.com/watch?v=2WLycy-dLW4
