Горан Коевски е новиот декан на Правниот факултет „Јустинијан Први“.
Коевски доаѓа на местото на Борче Давитковски кој пред неколку месеци си поднесе оставка со образложение дека „му бил вршен протисок“.
На денешното тајно гласање, Коевски доби 44 од вкупно 66 гласа.
На Правниот факултет „Јустинијан Први“ во Скопје е вработен од 1989 година, а во 2010 година е избран за редовен професор на научната област трговско право.
Од ноември 2000 до 2004 година ја вршел функцијата продекан за настава на Правниот факултет.
