Актерката Ирена Ристиќ, која вчера беше прогласена за неподобна да биде претседателка на синдикалната организација на Драмскиот театар, денеска во 13 часот до СОНК ќе поднесе барање да ѝ се достави записник од седниците на кои била избрана за претседател на синдикатот, како и од таа седница на која се решавало да се поништи нејзиниот избор. Бара и примерок од писмената одлука на СОНК, со правно обрзложение за поништувањето и со точни забелешки за кршење на Статутот.
– Досега во моето активно членство во СОНК немало на дневен ред на СОНК и на синдикалната организација точка за мое исклучување поради непочитување на одлуките на СОНК и на Статутот. Не се приложени никакви докази за кршење на Статутот од моја страна, напротив, не може да се избегне впечатокот дека се верувало само на збор на четворицата членови кои поднеле приговор – пишува во барањето на Ристиќ.
