fbpx

ВМРО-ДПМНЕ: СДСМ и на Велика сабота го лаже и го манипулира сопствениот народ

-

СДСМ и на Велика сабота, ден пред најголемиот христијански празник Велигден, не пропушти да испрати соопштение со кое го лаже и го манипулира сопствениот народ, реагираат од ВМРО-ДПМНЕ на денешното утринско соопштение од СДСМ.

„Оваа партија во континуитет со своето дејствување го навредува сопствениот народ, традиционалните вредности градени со векови и сопствената држава. СДС е партијата која премолчено ја прифати тиранската платформа со која се разнебитува државата. СДС е партијата која активно работи на реализација на тиранската платформа“, стои во реакцијата.

Од ВМРО-ДПМНЕ наведуваат дека СДСМ е партијата која е подготвена по секоја цена да се добере до власт, па дури и да реализира насилно сценарио за погазување на волјата на граѓаните, јасно изразена на избори.

„Оваа партија е заложник на своето криминогено раководство кое за да избегне соочување со правдата, покажа дека е подготвено да гази на сè, на својот народ, на националните и државните интереси, на темелите на државата. Правдата за криминалот ќе ги стигне ликовите од раководството на СДС. Народниот суд на следните избори јасно и недвосмислено ќе ја казни антидржавната и деструктивна политика на аболираниот криминалец Зоран Заев и на СДС“, велат од ВМРО-ДПМНЕ.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Одбележани 121 година од смртта на Гоце Делчев

Претседателските кандидати Стево Пендаровски и Гордана Сиљановска Давкова положија цвеќе на гробот на Гоце Делчев во црквата „Св.Спас“, по повод 121 годишнината од неговото загинување. „Никој нема право да се...