Бизнисменот Светозар Јаневски, во конкуренција од 340 кандидати од регионот, е добитник на меѓународната награда за животно дело во претприемништвото „Креатори на столетието“.
Престижната награда му беше доделена на самитот на претприемачи од регионот „300 најдобри“, што се одржа во Дубровник, Хрватска.
Јаневски, кој е претседател на управниот одбор на винарската визба „Тиквеш“ и партнер во инвестициската група М6, е единствениот награден бизнис-лидер од Македонија.
Изборот траеше 20 месеци, а одлуката ја донел меѓународен комитетот составен од 12 членови од Хрватска, Словенија, Србија, Босна и Херцеговина и од Македонија.
На самитот во Дубровник присуствуваа бизнис-лидери, претставници на државни институции, како и на граѓански и на деловни здруженија од Југоисточна Европа.
