fbpx

МВР му даде отказ на Ален Зекиров, поранешниот телохранител на Мијалков

-

Ален Зекиров, поранешен телохранител на екс директорот на Управата за безбедност и контраразузнавање (УБК), Сашо Мијалков добил отказ од Министерството за внатрешни работи.

Зекиров отказното решение го добил пред три дена од УБК, каде од 2015 година работи во одделот за антитероризам.

Од МВР ја потврдија информацијата.

„По спроведената постапка за утврдување на дисциплинска одговорност поради кршење на работниот ред и дисциплина, на предлог на Комисијата за утврдување дисциплинска одговорност во Управата за безбедност и контраразузнавање, од страна на министерот за внатрешни работи е донесено решение со кое на А.З. му е откажан договорот за вработување во министерството за внатрешни работи“, велат од МВР.

Дел од медиумите наведуваат дека Зекиров отказот го добил поради учеството во насилствата во Собранието од 27 април, минатата година, но од МВР нема официјална потврда на овие информации.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

ДИК: Jавен увид и промени во избирачкиот список може да се прават до вечерва на полноќ

Апелираме до граѓаните дека јавниот увид во Избирачкиот список како и промена, запишување и бришење на податоци ќе може да се направи уште денес, 18 март, до 24 часот, соопшти...