Грчката полиција се судрила со околу 300 мигранти и бегалци на грчката граница со Македонија, откако се интензивирале протестите, а илјадници мигранти ги игнорирале грчките владини инструкции да се префрлат во организираните капацитети за сместување.
Грчките власти соопштија дека младите мигранти ја каменувале полицијата, која се повлекла. Никој не е уапсен.
Демонстрантите ја блокираат железничката пруга во изминатите осум дена, барајќи границата повторно да се отвори.
Македонија соопшти дека границата и понатаму останува затворена за сите мигранти, најверојатно до крајот на годинава.
Околу 12.000 лица и понатаму се во камповите и живеат во тешки услови во близина на пограничното село Идомени, иако владата апелира да се префрлат во околниот камп, кој го изгради војската.