!На 1 февруари 2017 година, завршува промотивниот период на слободно користење, без регистрација и без претплата, на содржините на „Мета“, кое беше воведено за да им овозможиме полесен пристап на корисниците до навремени и проверени вести. За начинот на пристап и за претплата, од 1 февруари 2017 година ќе информираме дополнително. При пренесувањето и преземањето на содржините од „Мета“, задолжително е атрибуирање и линкување.

„Ги умреа“ амбасадорите во Македонија на интернет


       
Скопје, 19 декември, 2016 - 13:53 (META) 

Посмртни фотографии на дел од сегашните и од поранешните амбасадори во Македонија, се појавија на веб-страницата „Имгур“.

Не е познато кој ги прикачил овие слики на веб-страницата, но тие се појавуваат два дена откако лидерот на ВМРО-ДПМНЕ, Никола Груевски, одржа говор пред Државната изборна комисија, во кој истакна дека некои амбасадори почнале премногу да се мешаат во внатрешната политика на земјата.

– Амбасадорите кои се мешаат, мора да престанат да го прават тоа. ВМРО-ДПМНЕ нема да учествува на состаноци и на преговори во кои учествуваат амбасадори или други странски претставници, на кои се носат одлуки за кои одлучуваат претставниците избрани од народот – рече Груевски.

Посмртни фотографии добија амбасадорот на САД, Џес Бејли, ЕУ-амбасадорот Самуел Жбогар, сегашниот и поранешната француска амбасадорка, Кристијан Тимоние и Лоренс Оер, холандскиот амбасадор Ваутер Пломп, италијанскиот амбасадор Масимо Белели, британскиот амбасадор Чарлс Гарет, германската амбасадорка Кристине Алтхаузер, како и поранешниот посредник на ЕУ во Договорот од Пржино, белгискиот експерт Питер Ванхауте и поранешниот европарламентарец Ричард Ховит.