!Во периодот што претстои работиме на воведување систем за пристап и за претплата. За начинот на пристап и за претплатата ќе информираме дополнително. Содржините на „Мета“ до тогаш се слободни за преземање со задолжително цитирање и атрибуирање.

Франција и Германија бараат да се најде мировно решение за Сирија со помош на ОН


       
Париз, 7 април, 2017 - 11:41 (META) 

Франција и Германија ќе продолжат со напорите со посредство на Обединетите нации да се најде мировно решение за кризата во Сирија, изјави денеска францускиот претседател, Франсоа Оланд, по телефонскиот разговор со германската канцеларка Ангела Меркел.

Изјавата доаѓа откако САД рано утринава, по наредба на претседателот Доналд Трамп, извршија воздушен напад на сириска воена воздухопловна база во Сирија, користејќи кростосувачки ракети, како одговор на хемискиот напад врз цивили, за кој САД го обвинија режимот на сирискиот претседател Башар ал Ассад.

– Асад има целосна одговорност за ваквиот развој на ситуацијата – стои во изјавата на Оланд.