Германската полиција уапси околу 350 лица поради немирите што избија на протестите против мерките за штедење, организирани на отворањето на главното седиште на Европската централна банка.
Организаторите тврдат дека околу 10.000 демонстранти учествувале на протестите, за време на кои се повредени 88 полицајци, а запалени се десеттина полициски возила.
Новата заграда на ЕЦБ е опколена со полициски барикади и со бодлива жица.
Групата што го организира протестот, „Блокупи“, сака да предизвика максимални немири во пресрет на церемонијата на отворање на седиштето на Европската централна банка и со тоа да го привлече вниманието за улогата на ЕЦБ во подготвување мерки за штедење во еврозоната, што тие го сметаат за промоција на капиталистичкиот систем.
Насилните протести го натераа транспортниот систем на Франкфурт да го укине главниот градски трамвајски сервис, а повеќе вработени во ЕЦБ биле принудени да работат од дома.
ЕЦБ, заедно со Меѓународниот монетарен фонд и со Европската комисија, ја претставува „тројката“ задолжена за осигурување стриктна примена на финансиските правила во еврозоната. Поради мерките на „тројката“, членките на еврозоната мораа да направат буџетски кратења, да воведат строги мерки на штедење и да применат тешки економски реформи.
When they set fire to things outside your house, it’s perhaps a sign not everything’s going to plan. #ECB #Blockupy pic.twitter.com/ygEredERtw
— Jeff Black (@Jeffrey_Black) March 18, 2015
Reports more than 500 people have been detained in #Frankfurt. More news to #Blockupy: http://t.co/LNqKEZwESX (jlw) pic.twitter.com/FlSmaiRBnE
— DW | Europe (@dw_europe) March 18, 2015
Reuters: A German police officer who was hit by a paint bomb thrown by #Blockupy protesters looks at a burning car pic.twitter.com/uKTk1vl5Mn
— Andrew Peng (@TheAPJournalist) March 18, 2015
Well.. #18M #Blockupy pic.twitter.com/jqWWMNsAHW
— Tina (@TnaKng) March 18, 2015