Земјотрес со јачина од 6,1 степени според Рихтеровата скала утринава е регистриран во Средоземно Море, меѓу Мароко и Шпанија, соопшти американскиот институт за геологија.
Потресот се случил во 4.20 часот по локално време на околу 60 километри од мароканскиот град Ал Хосеима и околу 160 километри од Гибралтар, наведе институтот и додаде дека по главниот земјотрес следувал втор, со јачина од 5,3 степени. Според првите процени, малку е веројатно дека има жртви и материјална штета.
Во земјотресот, кој во февруари 2004 година го погоди ова подрачје, загинаа 630 лица и тогаш беше причинета значителна материјална штета во Ал Хосеима.
