fbpx

Зеленски: Одамна загубив интерес за НАТО, не се подготвени да ја прифатат Украина

-

Што се однесува до НАТО, јас одамна изгубив интерес по тоа прашање откако сфативме дека НАТО не е подготвен да ја прифати Украина. Алијансата се плаши од контрадикторни работи и конфронтација со Руската Федерација, изјави украинскиот претседател Володимир Зеленски во интервју за американската телевизија „Еј-Би-Си ворлд њуз”, одговарајќи на прашањето дали Украина е подготвена да ги испочитува барањата на Руската Федерација за прекин на војната: да го променат ставот и да одбијат влез во НАТО, да го признаат Крим како руски и да ја признаат независноста на Донецк и Луганск.

Запрашан за можноста за признавање на Крим и самопрогласените републики во Донбас, Зеленски одговори дека постои можност властите во Киев да разговараат и да најдат компромис за тоа како луѓето ќе продолжат да живеат таму.

„Можеме да размислиме и да најдеме компромис за тоа како ќе постојат окупираните територии и тие републики. Она што е важно за мене – како луѓето кои сакаат да бидат дел од Украина ќе живеат таму“, истакна Зеленски на прашањето за можноста за признавање на Крим, како и за самопрогласените „Народна република Доњецк” и „Народна република Луганск”.

Тој нагласи дека Украина „не е подготвена за ултиматуми”, додавајќи дека рускиот претседател Владимир Путин „мора да почне да разговара, да започне дијалог”.

Зеленски рече дека не е подготвен за капитулација, бидејќи тој е избран претседател.

Кремљ вчера соопшти дека е подготвен да ја прекине воената операција доколку Киев ја признае независноста на самопрогласените „Народна република Доњецк” и „Народна република Луганск” и одбие да се приклучи на „кој било блок”.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Поради изборите, Владата ги прогласи 24 април и 8 мај за неработни денови за сите граѓани

Владата на денешната седница заклучи дека 24 април 2024 година (среда) и 8 мај 2024 година (среда) да бидат неработни денови за сите граѓани на Република Северна Македонија, заради...