Во Македонија времето денеска ќе биде променливо облачно, со сончеви периоди и со услови за слаб локален дожд, а претпладне во одделни котлини ќе има појава на слаба магла.
Температурата ќе се движи од 7 до 17 Целзиусови степени. Во Скопје ќе преовладува променливо облачно време, со сочневи периоди и со услови за слаб локален дожд. Темепратурата ќе се движи до максимални 14 Целзиусови степени.
Ќе дува слаб до умерен ветер од југозападен правец.
Според синоптичарите, до средината на неделата ќе се задржи променливо облачно и релативно топло време со услови за повремен локален дожд, особено во западните предели.
За четврток се очекуваат пообилни врнежи од дожд, а меѓу четврток и петок се очекува постуден воздух, кој ќе предизвика врнежите во некои пониски места да преминат во снег.
