Здружението „Мултикултура“ традиционално, петти пат, ја организира манифестацијата „Недела на различности“. Целта на манифестацијата е да се промовираат заедничките вредности, без разлика на социјалната, политичката и на етничката припадност, преку промоција на храна, ракотворби и на разни уметнички дела.
– Ова е настан каде се рефлектираат културите од различни етнички заедници на едно место. Тука имаме приготвена и изложена храна од различни етникуми, карактеристични за нивната заедница, имаме и детско катче, имаме и разни здруженија, кои ќе се престават со разни културно-уметнички точки. Ова е значаен настан за градот, каде луѓето од различни култури имаат можност да се запознаат – изјави Христина Василевска од здружението „Мултикултура“.
Неделата на различности продолжува утре во Гостивар, а во рамките на манифестацијата, ученици од Средното текстилно училиште од Тетово ќе ги посетат Штип и Кочани.
