Египетските медиуми објавија на социјалните мрежи први фотографии од рускиот патнички авион што денеска се урна на полуостровот Синај.
Во тек е потрага по телата на загинатите, а египетската војска префрли неколку тела на жртвите до базата во источниот дел на Каиро. Првите 35 тела веќе се однесени во мртовечница. Досега, околу 145 тела се најдени на местото на несреќата.
Во авионот биле руски туристи, а меѓу нив имало и 17 деца.
Премиерот на Египет, Шериф Исмаил, заедно со други претставници, го посетил местото на кое се наоѓаат остатоците од авионот.
Тој денес изјави дека е невозможно да се утврди причината за падот на рускиот „ербас А-321“ сè додека црната кутија не се истражи. Сличен став изнесе и руската агенција за авиособраќај, од каде е соопштено дека нема основа да се нагодуваат причините за пад на авионот додека постојат доверливи податоци за околностите на несреќата.
Во моментот нема основа која би укажала дека причина за падот на авионот била техничка грешка во кок-питот или некаков надворешен удар.
Со обработка во државното обвинителство, утврдено е дека црните кутии содржат снимки од разговорите меѓу двајцата пилоти, како и помеѓу пилотите и членовитете на екипажот, известија египетски медиуми.
