fbpx

Во предлог-буџетот за 2021 година предвидени 2,2 милиони евра за гасификацијата

-

Во предлог-буџетот на Министерството за економија за 2021 година, за изградба на гасоводната мрежа се предвидени 140 милиони денари (2,2 милиони евра), средства коишто АД НЕР планира да ги обезбеди преку емисија на хартии од вредност по пат на приватна понуда, изјави денеска министерот за економија Крешник Бектеши на прес-конференција на која информираше за буџетот на министерството. Во сумата не влегува повлекувањето на кредитни линии за оваа намена.

Бектеши додаде дека следната година ќе продолжи реализацијата на магистралната траса на гасоводот од Скопје до Гостивар, при што се очекува кракот да биде завршен. Исто така, се очекува и да започне експропријацијата на земјиштето од Гостивар до Кичево.

„Паралелно на тоа се работи и на воспоставување на јавно-приватно партнерство за доизградба на дистрибутивната мрежа за што веќе се обезбедени и експерти од страна на ЕБОР во три полиња и тоа во економско-финансиското работење, во правното работење, како и во техничките работи. Комисијата која е креирана од страна на Владата заедно со овие експерти во наредниот период треба да влезат во преговори со заинтересираните страни за изградба на дистрибутивната мрежа во нашата држава,“ одговори Бектеши на новинарско прашање.

Со последните измени на Законот за енергетика, Министерството за економија веќе е сопственик на АД НЕР.

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

(ИНТЕРВЈУ) Зоран Милошевски: Целта на научната фантастика е да даде едно поинакво гледиште на работите

Зоран Милошевски е македонски автор на научно-фантастични романи, вклучително серијалот „Последна граница“, кои го сочинуваат четири веќе издадени дела, а Милошевски моментално работи на петтиот и последен дел. Тој е...