таг: 2021

Почна "натпреварот" на Скопје и другите населени места низ земјава во рушењето на светските рекорди по загадување на воздухот. И додека податоците на сајтот „Iqair“ покажуваат дека Скопје е на светскиот врв според аерозагадувањето заедно со азиските градови како Њу Делхи, Ханој, Лахоре или Калкута и градовите од соседството како Сараево и Белград, најновите статистички податоци покажуваат дека Македонија руши...

Заклучно со 31 декември 2021 година, во земјава имало вкупно 1.346 институции коишто го сочинуваат јавниот сектор, во којшто се вработени вкупно 132.088 лица. Во споредба со претходната година, лани во јавниот сектор имало за околу 900 вработени повеќе. Овие податоци денеска ги објави министерот за информатичко општество и јавна администрација, Адмирем Алити на прес-конференција на која го презентираше Годишниот...

Бруто-домашниот производ (БДП) во четвртиот квартал од минатата година пораснал за 2,3 отсто, со што земјава ја завршила 2021 година со зголемување на БДП-то за 4 отсто, покажуваат податоците на Државниот завод за статистика. Зголемувањето на БДП-то минатата година е резултат првенствено на неговиот пораст во вториот квартал, кога статистичарите регистрираа негов раст за 13,4 отсто во однос на второто...

Угледното списание Економист во нивниот Индекс на демократија за 2021 година ја рангираше Северна Македонија во групата на „демократски земји со недостатоци“ или „нецелосна демократија“, што претставува искачување за едно скалило погоре во однос на досегашното рангирање на земјава како „хибриден режим“. Инаку, нашата земја со години наназад спаѓаше во категоријата „хибриден режим“. Економист ја рангирал состојбата со демократијата во...

Наталитетот е намален, а со помалку живородени деца населението старее. Старечкото население преовладува, па следствено на тоа и смртноста на ниво на државата расте. Сепак, во последните три години, бележиме високи бројки на починати лица, какви што сме немале никогаш досега. Овие заклучоци за Мета.мк ги потенцира Дончо Герасимовски, специјалист во областа на статистиката и поранешен директор на Државниот завод...

Раст на цените на мало за цели 6 отсто во декември 2021 година во однос на истиот месец од 2020 година. Трошоците на живот зголемени за 4,9 отсто. Овие вредности се највисоки што се регистрирани во месец декември од 2014 година до сега. Светските анализи покажуваат дека и годинава се очекува раст на цените на металите и на храната,...

Во Европа во текот на декември 2021 година се продадени повеќе електрични автомобили во споредба со дизелашите, пишува Фајненшел Тајмс. Станува збор за историски резултат, којшто е силно поддржан од субвенции од владите и законските ограничувања за возилата што испуштаат штетни материи во воздухот. Повеќе од една петтина од продадените автомобили во 18 европски земји, вклучувајќи го и Обединетото Кралство,...

Скопска „Комунална хигиена“ лани собрала 11.000 метри кубни расфрлан отпад по дивите депонии во главниот град, а во 2021 година нивната еко-патрола изготвила вкупно 1.359 информативно-едукативни записници на граѓани и правни субјекти коишто биле затекнати како неправилно одлагаат отпад. Во просек, лани се пишувале по 3-4 записници за расфрлан отпад секој ден, а по врачувањето на записниците, сторителите отстраниле вкупно...

2021 година беше проследена со голем број на изложби, уметнички инсталации, мултимедијални творби инспирирани од најразлични теми, предизвици, ризици и начини на денешното живеење. Покрај појавувањето на нови уметнички имиња, просториите во националните галерии беа исполнети и со изложби на долгогодишни македонски академски уметници, чии дела говорат за нивната умешност во визуелната уметност. Во првата четвртина од 2021 година, беа...

Евроинтеграциското патешествие на Северна Македонија во текот на 2021 година не донесе резултати и покрај повремените надежи. Токму кога се мислеше дека со формирањето на новата Влада во Бугарија ќе има напредок за деблокирање на спорот со соседната земја, оставка поднесе Владата на Македонија. Советот на ЕУ одржа состанок, но не даде датум за земјата. Македонија се соочи со...

Реализацијата на проекти на национално и локално ниво коишто ќе имаат директен удел во намалување на аерозагадувањето и ублажување на климатските промени недостигаа во изминатата 2021 година. Северна Македонија усвои серија од важни стратегии и закони, а се обврза на Конференцијата за климатски промени на ОН - КОП 26 и со потпис на меѓународни договори, но имплементацијата дури и...

Новата концепција, заедно со најавата за воведување електронски учебници и сеопфатно сексуално образование, проследени со низа дезинформации, лажни вести, но и протести на родителите, ги одбележаа случувањата во основното образование изминатата 2021 година. Протестираа и средношколците, а тие бараа промена во моделот на полагање државна матура и враќање во училишните клупи, наместо неквалитетна онлајн настава, што веќе од септември...

Република Северна Македонија сè уште се наоѓа на прагот од патот што води кон подобрување на ситуацијата за развој на институциите и условите за лица со посебни потреби. Во годината што измина беа утвредни неколку проекти организирани од разни неформални здруженија, беше усвоен предлогот на МОН за воведување на учебници што се достапни и разбирливи за лица кои имаат...

Најавите за зголемување на процентот на инфлација се остварија на најновата седница на Советот на Народната банка, на која бил разгледан и усвоен најновиот Квартален извештај за макроекономските проекции. Наместо досегашната проекција од 2,2 проценти, ревидирана е стапката на инфлација на 3,1 проценти до крајот на годинава, информираат од Народната банка на Република Северна Македонија (НБРСМ). Тие велат дека инфлацијата...

По пауза од една година поради ковид пандемијата, претстојниов викенд продолжува традицијата на одржување на прочуената културно-сценска манифестација „Галичка свадба“. На годинешното 47. издание, судбоносното „да“ во Галичник ќе го кажат Катерина Илиевска и Филип Бундовски, кој е по потекло од Галичник. „Ние сме многу среќни што се создадоа услови оваа година да продолжиме со оваа вековна традиција на Мијаците,...

Во април годинава, просечната месечна исплатена нето-плата по вработен изнесува  28.438 денари (462 евра), објави Државниот завод за статистика (ДЗС). Според податоците на ДЗС, во тој месец, индексот на просечната исплатена нето-плата, во однос на истиот месец од 2020 година, изнесува 110.1, или платата е зголемена за 10,1 отсто. Додека во првите четири месеци од годинава, во споредба со истиот...

Кај групата неживотно осигурување, растат вложувањата во осигурување на имот, во приватно здравствено осигурување, осигурување на финансиски загуби и во каско осигурување воздухоплови. Кај осигурувањето живот, пак, значаен раст има на вложувања кај производот „јунит линкд“ , кој е поврзан со вложувања во инвестициски фондови при што ризикот е на товар на осигуреникот, соопштуваат од Агенцијата за супервизија на...

Во првото тримесечје од 2021 година активното население во Република Северна Македонија изнесувало 943.964 лица, од кои вработени се 793.121, а 150.843 лица се невработени. Стапката на активност во овој период е 56 отсто, стапката на вработеност 47,1 отсто, додека стапката на невработеност изнесува 16 отсто, објави Државниот завод за статистика. За споредба, во првото тримесечје минатата година стапката на...

Индексот на индустриското производство во април 2021 година, во однос на истиот месец лани, изнесува 146,1, односно е поголемо за 46,1 отсто, соопшти Државниот завод за статистика (ДЗС). Додека во периодот јануари - април 2021 година, спредено со истиот период лани, изнесува 103,7 или индустриското е зголемено за 3,7 отсто. Според податоците, гледано по сектори, индустриското во рударство и вадење...

Од денеска на граѓаните повторно им се достапни програмите и мерките од Оперативниот план 2021, за кои во изминатиот период имаше најголем интерес, информираа на денешната прес-конференција, министерката за труд и социјална политика, Јагода Шахпаска и директорот на Агенцијата за вработување, Абдуш Демири. Тие потенцираа дека граѓаните и работодавачите добиваат уште една дополнителна шанса да аплицираат за програмата Самовработување, како...