Турскиот весник „Ватан“ јавува дека во подруми на зграда во истанбулскиот кварт Пендик и Башекшехир се откриени милитантни „кампови“ на Исламска држава за деца.
Веста доаѓа откако полицијата за сузбивање терористички активности, на 18 и на 19 октомври, спроведе 18 одвоени рации. Приведени се најмалку 50 осомничени, од кои 24 деца. Повеќето од уапсените биле Узбекистанци и Таџикистанци.
Весникот „Хуријет“ пишува дека материјалните докази на локациите откриваат дека „претежно узбекистанските“ инструктори ги учеле децата на темелните вредности на ИД и како да живеат во рамки на нив.
Апсењата се поврзани со зајакнување на антитерористички акции во Турција, по двојниот бомбашки напад во Анкара.
