Со засилена екипа, ВМРО-ДПМНЕ денеска навреме пристигна на почетокот на преговорите на работните групи во Клубот на пратениците. Во тимот на владејачката партија се Илија Димовски, Антонио Милошоски, Влатко Ѓорчев и Билјана Бришковска-Бошкоски.
На средбата, освен олеснувачот Питер ван Хојте, присуствуваат Дамјан Манчевски и Цветанка Илиева од СДСМ, Артан Груби и Фатмир Бесими од ДУИ и Беким Фазлиу и Имер Алиу од ДПА.
Претставниците на политичките партии ќе ги продолжат разговорите за изборните закони и за гласањето на дијаспората. Освен за прашањето за изборите и за начинот на одлучување во ДИК, тие сè уште се далеку од приближување на ставовите за другите спорни точки.