Владата на Србија одлучи да не се согласи со продажба на „Телеком Србија“. Ова денеска го соопшти српскиот премиер Александар Вучиќ, додавајќи дека Владата едногласно ја донела таквата одлука, бидејќи понудената цена не била задоволувачка.
Како што изјави Вучиќ, Владата на Србија очекувала цена која била договорена со претставниците на синдикатот.
Најголем акционер на „Телеком“ е државата Србија со 58,11 отсто од акциите, 20 отсто од акциите се во сопственост на компанијата, додека 14,95 отсто ги поседуваат граѓаните, а 6,94 отсто вработените и поранешни вработени во „Телеком“.
Пред четири години, процената на вредноста на „Телеком“ изнесуваше 2,2 милијарди евра.