Триесетина деца од предучилишна возраст и еден родител од Виница во текот на ноември заболеле од варичела, меѓу народот познатa како овча сипаница. Ноември е месецот со најголем број на заболени, со оглед на фактот дека од февруари до почетокот на декември се регистрирани вкупно 37 болни. Само во вторникот биле пријавени пет нови случаи на варичела на возраст до пет години.
Епидемиолозите размислуваат за прогласување епидемија.
– Сè уште немаме прогласено епидемија поради некои наши параметри. Се случува и неколку дена да нема заболено дете. Сепак, поголемо отсуство не е забележано, постојано се следи состојбата – изјави епидемилиогот Горан Николов од Здравствен дом Виница.
Најголем дел од заболените деца доаѓаат од детската градинка „Гоце Делчев“, каде има зголемено отуство на децата. Таму се преземаат дополнителни здравствено-хигински мерки.
Засега заболените се лекуваат дома и нема згрижени пациенти со оваа болест во болница. Лекарите препорачуваат следење на здравствено-хигиенските препораки.
