Во текот на викендов во Германија, според последните податоци, пристигнале околу 15.000 бегалци од Унгарија преку Австрија.
Најголем број стигнале во Минхен, од каде се распоредени по германските покраини.
Канцеларката Ангела Меркел вечерва со своите коалициони партнери, социјалдемократите, ќе разговара за програмата за интеграција и за сместување на луѓето, имајќи предвид дека до крајот на годината во земјата ќе пристигнат вкупно 800.000 бегалци.
Германската влада одлучи да одвои дополнителни три милијарди евра за сојузните држави и за општините за да можат да се соочат со приливот на бегалци.
