Министерството за внатрешни работи во текот на вчерашниот ден издало потврди за искажана намера за барање азил на вкупно 1.212 мигранти. Според МВР, најголем број потврди се издадени на државјани на Сирија, вкупно 713, потоа 296 на лица со потекло од Авганистан и 203 на државјани на Ирак.
Од 1 јануари до вчера, според податоците на МВР, низ земјава поминале вкупно 83.188 странски државјани на кои им бил издаден ваков документ.
До Секторот за азил, како што информираат од МВР, вчера не биле поднесени нови барања за признавање на правото на азил. Од почетокот на годината досега, да останат во земјава побарале 10 лица, од кои седум авганистански и тројца сириски државјани.