fbpx

Урдата, бебешките каши, наполитанките, цвеклото остануваат со ДДВ од 5 отсто

Како што соопшти Министерството за финансии, измените кои Владата ги усвои на денешната седница ќе се применуваат од 13 октомври, петок

-

Урдата, замрзнатото тесто, црвениот бибер и црвениот пипер, бебешките каши, адаптираното млеко за доенчиња, додатоците за исхрана за опаднат имунитет, хербалните чаеви, наполитанките и вафлите, растителниот кашкавал, останатите одредени видови кашкавали, лутеницата и конзервираното цвекло и феферони, се производи коишто ќе се оданочуваат со повластена стапка на ДДВ од 5 отсто.

Таква одлука донела Владата на денешната седница, донесувајќи измена на Одлуката за определување на добрата и услугите кои подлежат на повластена стапка на данокот на додадена вредност, а која беше усвоена на 28 септември 2023 година.

Како што соопшти Министерството за финансии, измените кои Владата ги усвои на денешната седница ќе се применуваат од 13 октомври, петок.

„Со оваа одлука воедно се овозможува поддршка на домашната економија, односно домашните компании кои произведуваат дел од овие производи, како и заштита на стандардот на граѓаните. Одлуката се донесе на седница на Владата на 28 септември и стапи во сила на 2 октомври кога започна со примена, но поради утврдените недоследности во примената кај дел од производите се укажа потреба од измена на Одлуката која беше направена во најкус можен рок“, се вели во соопштението од Министерството за финансии.

Откако беше соопштена одлуката од 28 септември, во јавноста се појавија многу гневни реакции дека власта неоправдано предизвикува поскапување на многу производи од основната потрошувачка на храна.

Компирот и бананите во иста група со кавијарот: Проверете кои „луксузни“ производи поскапуваат

Нашите вести во вашето сандаче

Секој ден во 17 ч. добивајте ги вестите од Новинската агенција Мета директно на вашата електронска адреса.

Ве молиме одберете на кој начин сакате да добивате информации од нас:
Можете да се отпишете од оваа листа преку линкот на крајот од нашите пораки.

Експанзијата на Елден Ринг најавена за 20 јуни, преднарачки може да се прават уште сега

Експанзијата на Елден Ринг „Shadow of the Erd Tree“ е најавена за 20 јуни, но преднарачки на Steam може да се прават уште сега. Ви ја препорачуваме основната верзија...