Тројца скопјани, кои се барале со судска наредба за издржување затворски казни, деновиве биле уапсени од екипи на скопската полицијата и спроведени за понатамошна постапка.
Според полициските информации, во понеделникот бил уапсен и спроведен во затворот „Идризово“, Екрем А. (67), кој се барал за издржување затворска казна од една година и два месеци за прикривање.
Истиот ден, СВР Скопје постапувајќи по судска наредба, го лишил од слобода Зоран П. (62), кој треба да издржува казна затвор од шест месеци за тешка кражба.
Вчера, како што информираат од полицијата, бил уапсен Дарко М. (29), кој треба да издржува двегодишна затворска казна за неовластено производство и пуштање во промет на наркотични дроги, психотропни супстанци и прекурсори. Тој бил спроведен во полициската станица Аеродром за понатамошна постапка.