Самостојна изложба на реномираниот македонски уметник Сергеј Андреевски беше отворена во галеријата МКД во Љубљана. Претставени се 20 дела за кои критика напиша словенечката уметница и писателка Ева Петрич.
– Во мигов кога ја отвораме изложбава, во Македонија се закажани протести. Изложбава им ја посветувам на студентскиот и на средношколскиот пленум, токму ним, на младите кои покажаа дека се независни и подготвени да се изборат за вистинските вредности во општеството. Тие се нашиот потенцијал – изјави уметникот Сергеј Андреевски на отворањето на изложбата.
Во таа пригода, Андреевски истакнал дека се надева оти младите нема да ја напуштат Македонија и дека од дома достојно ќе ја претставуваат и ќе се натпреваруваат со светот.
