Украинските претставници соопштија дека проруските сепаратисти го прекршиле примирјето, гранатирајќи позиции на владините сили на исток, вклучувајќи и позиции близу Мариупољ.
Портпаролот на војската, Владислав Селезњов, изјави дека мета на нападите биле силите во пределите на Донецк и на Луганск.
Проруските сили, пак, ја обвинија украинската војска за кршење на примирјето.
Претседателот на Украина, Петро Порошенко, изјави дека 64 војници загинале откако на сила стапила спогодбата за прекин на огнот од 15 февруари.
Од април минатата година во Украина се убиени повеќе од 6.000 лица.
