Пет лица се уапсени во Вашингтон, откако отвориле оган врз припадници на полицијата. Засега нема информации за повредени.
Портпаролот на полиција, Дастин Стернбек, соопшти дека полицијата реагирала на пукањето во југоисточниот дел од градот. Напаѓачите отвориле оган врз полицијата во моментот кога таа пристигнала на местото со обележани возила. Безбедносните сили возвратиле, по што напаѓачите, се забарикадирале во автомобилот и одбивале да излезат. Половина час подоцна напаѓачите ѝ се предале на полицијата.
Сè уште не се знае која е причината поради која отвориле оган врз полицијата.