Во париско предградие е уапсена жена поради сомнеж дека е поврзана со еден од обвинетите за нападите во Париз, наведуваат извори блиски до истрагата.
Извори, кои сакале да останат анонимни поради истрагата, која е во тек, навеле дека жената, чие име не се објавено, е партнерка на 25-годишен маж кој вчера бил уапсен во предградието Малакоф.
Уапсениот маж досега на полицијата ѝ бил познат како дилер на дрога. Се верува дека соработувал со Џавд Бендауд, кој е прелиминарно обвинет за нападите во Париз.
Бендауд пред апсењето признал дека обезбедил засолниште за Абделхамид Абауд, но негирал дека знаел дека тоа е поврзано со нападите од 13 ноември. Абауд, неговата роднина и еден неидентификуван маж загинаа во акцијата на полицијата, која упадна во станот на Бендауд на 18 ноември.
